volume

МАХСУС ИМКОНИЯТЛАР

eye

Кўриниш

A
A
A

Шрифт ўлчами

0% га катталаштириш
Ишонч телефонлари:
(0436) 224-98-31
(0436) 224-01-79

Факс: (0436) 224-98-31
E-mail: navoiy@qsxv.uz
Иш вақти: Душанба-Жума, 08:00-17:00
Манзил: 210100, Навоий ш., Низомий-24
Мўлжал: "Турон" банки
Войти на сайт
Логин:
Пароль:
Регистрация  |  Пароль?  |  Закрыть
» » » "Электрон ҳукумат" тизими такомиллашмоқда

"Электрон ҳукумат" тизими такомиллашмоқда

"Электрон ҳукумат" тизими такомиллашмоқда
Ўзбекистон Республикаси Олий Мажлиси Қонунчилик палатаси Ахборот ва коммуникация технологиялари масалалари қўмитаси Ахборот технологиялари ва коммуникацияларини ривожлантириш вазирлиги билан ҳамкорликда "Электрон ҳукумат”ни жорий этишнинг ҳуқуқий асослари" мавзуида давра суҳбати ўтказди.

Ахборот ва коммуникация технологиялари масалалари қўмитаси раиси И.Абдуллаев ва бошқалар Президентимиз Ислом Каримов раҳнамолигида мамлакатимизда қулай ишбилармонлик муҳити яратилгани, "электрон ҳукумат" ахборот тизими фаолияти ва жорий этилишини тартибга солувчи ахборот соҳаси қонунчилигининг амалиётга татбиқ этилиши самарадорликни янада оширишини таъкидлади. Ўзбекистон Республикасининг "Электрон ҳукумат тўғрисида”ги қонуни қабул қилингани бу борада янада кенг имкониятлар яратди.

Жорий йилнинг 10 июнидан кучга кирадиган мазкур қонун давлат бошқаруви тизимидаги маъмурий ислоҳотларни чуқурлаштириш, "ягона дарча" тамойили асосида электрон давлат хизматларини кўрсатиш, давлат органлари фаолиятининг очиқлиги ва ошкоралигини таъминлашда фуқароларнинг ҳуқуқ ва манфаатларини амалга оширишга хизмат қилади.

Миллий ахборот маконини янада ривожлантириш, «электрон ҳукумат» тизимини такомиллаштириш ва жорий этишда 2013-2020 йилларда Ўзбекистон Республикасининг Миллий ахборот-коммуникация тизимини ривожлантириш комплекс дастури ҳам муҳим аҳамият касб этмоқда. Унга кўра, 2013-2020 йилларда 2,1 триллион сўмлик телекоммуникация технологиялари ва алоқа инфратузилмасини ривожлантиришга қаратилган 17 лойиҳа, «электрон ҳукумат» маълумотлар базаси ва ахборот тизимлари комплексини яратишда қўл келувчи ўттизга яқин лойиҳа амалга оширилади.

Давра суҳбатида АҚШ, Жанубий Корея, Сингапур каби жаҳоннинг етакчи мамлакатлари амалиётидаги "электрон ҳукумат”ни ривожлантиришни тартибга солувчи ҳукуқий ҳужжат намуналари кўриб чиқилди. Тегишли вазирлик ва идораларнинг "Электрон ҳукумат" лойиҳасидаги "Солиқ", "Божхона", "Бюджет" каби долзарб тизимлари ҳақида йиғилганларга ахборот тақдим этилди.

– Жорий йилнинг биринчи майидан янги электрон солиқ хизматлари портали ишлаб чиқилди, – дейди Давлат солиқ қўмитаси бошқарма бошлиғи ўринбосари Ҳаётжон Насруллоев. – Бу орқали аҳоли ва тадбиркорлик субъектларининг солиқ органлари билан ўзаро муносабатларининг очиқлиги, тезкорлиги ва самарадорлик даражаси янада ошди. Хусусан, корхона ва ташкилотларда ишловчи ходимларнинг мол-мулк ва ер солиқларидан бўлган қарздорлиги ёки жорий йил учун ҳисобланган солиқларни "шахсий кабинет” орқали онлайн тўлаш имконияти яратилгани боис кейинги ўн кунда бу хизмат орқали 550 ортиқ юридик шахс 3 минг нафардан ортиқ ходим учун тўловни амалга оширди.

Давра суҳбатида электрон давлат хизматлари кўрсатиш стандартлари, электрон давлат хизматлари кўрсатишни баҳолаш методикаси, электрон ҳукумат лойиҳаларининг самарадорлиги бўйича мақсадли кўрсаткичларни тасдиқлаш, электрон ҳукуматни амалга ошириш ва фаолият юритиши билан боғлиқ ахборот соҳасидаги қонунларни амалиётга татбиқ этишни янада такомиллаштириш юзасидан таклиф ва мулоҳазалар билдирилди.
Манбаа: www.uza.uz

Маълумотни таҳрирлади: info - 28-07-2016, 16:02

Чоп этиш

Мавзуга оид ўхшаш маълумотлар
  Қуйида юклаб олиш учун электрон шакллар келтирилган:   Ариза:  ...
2015 йил 9 декабрь куни Ўзбекистон Республикаси Президенти Ислом Каримов "Электрон...
Жорий йил 25 августда Ўзбекистон Республикаси Қишлоқ ва сув хўжалиги вазирлигида...
ЎЗБЕКИСТОН РЕСПУБЛИКАСИ ДАВЛАТ РАҚОБАТ ҚЎМИТАСИ ҲУЗУРИДАГИ...
Мамлакатимизда қишлоқ хўжалиги соҳасида амалга оширилаётган ислоҳотлар ва таркибий...
Мамлакатимизда қишлоқ хўжалиги соҳасида амалга...
Мазкур нав шўрланган ерларда ҳам ўсиб, юқори...
Хар бир фукаро мурожаати конунда урнатилган тартибда куриб чикилади ва жавоб берилади....
Куйида Вазирлик ҳамда вилоят рахбарларининг қабул қилиш жадвали келтирилган...
Ушбу Қонун фуқароларнинг давлат органларига, муассасаларига (бундан буён матнда давлат...

Веб-сайт янгиликларидан хабардор бўлиб туриш учун қуйидаги қаторга амалдаги электрон манзилингизни киритинг ва электрон манзилингизга жўнатилган хат орқали обунани тасдиқланг: